ევროპული ქვეყნები სირიის გამო რუსეთის წინააღმდეგ დამატებითი სანქციების დაწესებას განიხილავენ

2016-10-13 12:35:54, 2039 ნახვა

მსოფლიო

რამდენიმე ევროპული ქვეყანა სირიის ქალაქ ალეპოში შექმნილი ვითარების გამო რუსეთის წინააღმდეგ დამატებითი სანქციების დაწესებას განიხილავს, - ამის შესახებ გამოცემა The Financial Times ევროპელ დიპლომატზე დაყრდნობით იუწყება.

გამოცემის ცნობით, სანქციები შესაძლოა, რუსეთის მაღალი თანამდებობის 12 პირს დაუწესდეს.

როგორც მედია საშუალება წერს, ახალი სანქციების დაწესების ინიციატორები დიდი ბრიტანეთს, საფრანგეთი და გერმანია არიან. ეს ქვეყნები შეზღუდვების დაწესებას სირიელი მაღალჩინოსნებისთვისაც ითხოვენ.

შეგახსენებთ, რომ სექტემბრის ბოლოს დიდი ბრიტანეთის საგარეო საქმეთა მინისტრმა ბორის ჯონსონმა განაცხადა, რომ მისი ქვეყანა მოსკოვის წინააღმდეგ დამატებითი სანქციების დაწესებას განიხილავს სირიაში ვითარების ესკალაციის ფონზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან