უსუფაშვილი: მე არჩევანი გავაკეთე და ამ არჩევანზე პასუხისმგებელი ვიქნები

2016-10-08 09:50:00, 676 ნახვა

პოლიტიკა

„მე გავაკეთე არჩევანი და ამ არჩევანზე პასუხისმგებელი ვიქნები“, - ამის შესახებ პარლამენტის თავმჯდომარემ დავით უსუფაშვილმა ხმის მიცემის შემდეგ ჟურნალისტებს განუცხადა.

როგორც უსუფაშვილმა აღნიშნა, ძალიან მნიშვნელოვანია, რომ ამ არჩევნებს საქართველო მეტი პოლიტიკური თავისუფლებით შეხვდა.

„ამომრჩეველს მეტი საშუალება აქვს, გააკეთოს პირადი არჩევანი სამშობლოსა და საკუთარი ქვეყნის მომავლისთვის. მეტი თავისუფლება ყველას მეტ პასუხისმგებლობას გვაკისრებს. დარწმუნებული ვარ, დღეს ქართველი ერი იქნება პასუხისმგებლობით აღსავსე და მიიღებს გადაწყვეტილებას საკუთარი შვილების, საკუთარი მომავლის თაობაზე, რაც შესაძლებელია იმ პოლიტიკური პარტიებიდან, ვინც არჩევნებში მონაწილეობს. მე გავაკეთე არჩევანი და ვიქნები ამ არჩევანზე პასუხისმგებელი“,-განაცხადა უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან