ცესკო-ს საინფორმაციო ბრიფინგების განრიგი

2016-10-08 00:43:09, 769 ნახვა

პოლიტიკა

ცენტრალური საარჩევნო კომისია საქართველოს პარლამენტის, საკრებულოს შუალედური და რიგგარეშე არჩევნების დღეს, საინფორმაციო ბრიფინგების განრიგს აქვეყნებს.

„ცენტრალური საარჩევნო კომისია, ამომრჩევლების და ყველა დაინტერესებული მხარის დროულად ინფორმირების მიზნით, 8 ოქტომბრის დილის 08:30 საათიდან პერიოდულად საინფორმაციო ბრიფინგებს გამართავს.

24 საათიან რეჟიმში იმუშავებს როგორც ცესკოს სატელეფონო/საინფორმაციო ცენტრი - 2 51 00 51, ისე ონლაინ ჩატი და ონლაინ ოპერატორი. შესაბამისად ყველას შეეძლება პასუხის მიღება არჩევნებთან დაკავშირებული ამა თუ იმ საკითხის შესახებ.

საინფორმაციო ბრიფინგების განრიგი შემდეგია: 8:30 სთ; 10:30 სთ; 12:30 სთ; 15:30 სთ; 17:30 სთ; 20:30 სთ.

განრიგი საჭიროების შემთხვევაში შეიძლება შეიცვალოს“, - ნათქვამია ცესკო-ს განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან