თურქეთის პოლიციამ სტამბოლში აფეთქების მოწყობაში ეჭვმიტანილი დააკავა

2016-10-07 13:03:30, 2494 ნახვა

მსოფლიო

თურქეთის პოლიციამ “ქურთისტანის მუშათა პარტიის” მებრძოლი დააკავა, რომელიც სტამბოლში გუშინ მომხდარი აფეთქების მოწყობაშია ეჭვმიტანილი, - ამის შესახებ სააგენტო Reuters-ი თურქულ სახელმწიფო სააგენტო Anadolu-ზე დაურდნობით იუწყება.

მედია საშუალების ინფორმაციით, აფეთქებასთან დაკავშირებით 6 ადამიანია დაკავებული. აფეთქების სავარაუდო ორგანიზატორს დაკავებისას თან აღმოაჩნდა პირადობის დამადასტურებელი ყალბი მოწმობა. ის აქსარაის პროვინციაში დააკავეს.

შეგახსენებთ, რომ აფეთქება სტამბოლში, ათათურქის სახელობის საერთაშორისო აეროპორტიდან რამდენიმე კილომეტრში მდებარე იენიბოსნას რაიონში, პოლიციის განყოფილებასთან მოხდა. გამოძიების ცნობით, აფეთქდა დანაღმული მოტოციკლი. ინციდენტის შედეგად 10 ადამიანი დაშავდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან