პოლიტიკაში ფინანსებისთვის მოდის, მას მხოლოდ საკუთარი ხელფასი აინტერესებს, - ამის შესახებ "გირჩის" ერთ-ერთმა დამფუძნებელმა პავლე კუბლაშვილმა ჟურნალისტებს განუცხადა.

ის პაატა ბურჭულაძესთან ბიძინა ივანიშვილთან კომუნიკაციის შესახებ რაიმე ტიპის საუბარს უარყოფს და ამბობს, რომ ბურჭულაძე "თავის გადასარჩენად იტყუება“. მან ბოდიში მოუხადა საკუთარ ამომრჩეველს, რადგან არსებული გაუგებრობის გამო, ისინი არჩევნებში მონაწილეობას ვეღარ მიიღებენ.

„ბევრი რამე შეიძლება, მოიგონოს პაატა ბურჭულაძემ, მაგრამ მემგონი, თვითონაც კი შერცხვა ეთქვა, რომ რაიმე მსგავსი საუბარი გვქონდა. არანაირი საუბარი არასდროს, არც დღეს, არც მანამდე ბიძინა ივანიშვილთან დაკავშირებით არ გვქონია. შესაბამისად, როგორც ჩანს, ძალიან მძიმე მდგომარეობაშია და ფიქრობს, რა მოიტყუოს, რომ გამოვიდეს ამ მდგომარეობიდან. ამ ადამიანს აქვს ძალიან დიდი ვალდებულებები თავისი პარტიის წევრების მიმართ, რომლებიც რაიონებში აგიტაციას ეწევიან მისი პარტიის სასარგებლოდ და მას აბსოლუტურად არ აინტერესებს ამ ადამიანების ბედი. მას აინტერესებს მხოლოდ საკუთარი ხელფასი, მხოლოდ საკუთარი ფინანსები. ის პოლიტიკაში მოდის ფინანსებისთვის. ბევრი სხვადასხვა ჭორი მსმენია, მათ შორის მთავარი ჭორი იყო, რომ ნაციონალები გაერთიანდნენ ბურჭულაძესთანო და მიშა სააკაშვილის პროექტიაო, სხვები იძახიან რომ ბიძინა ივანიშვილის პროექტიაო. მე ვფიქრობ, რომ ეს რაღაც ჭორაობაა, რომელსაც არ უნდა ავყვეთ. გამოჩნდება, ვინ სად და როგორ არის,“ - განაცხადა პავლე კუბლაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო