აშშ-ის ერთ-ერთ შტატში საგანგებო მდგომარეობაა გამოცხადებული

2016-09-22 10:21:51, 2197 ნახვა

მსოფლიო

აშშ-ის ჩრდილოეთ კაროლინას შტატში, საგანგებო მდგომარეობაა გამოცხადებული, - ამის შესახებ BBC იუწყება.

მედია საშუალების ინფორმაციით, უკვე მეორე დღეა ქალაქ შარლოტში მასობრივი საპროტესტო აქციები მიმდინარეობს. ადგილობრივი მოსახლეობა პოლიციელების მხრიდან ფერადკანიანი მამაკაცის მკვლელობას აპროტესტებს.

მედიის ცნობით, 43 წლის კიტ ლამონტ სკოტი გუშინ საავადმყოფოში მას შემდეგ გარდაიცვალა, რაც ის პოლიციელმა დაჭრა. სამართალდამცველების ცნობით, მამაკაცი შეიარაღებული იყო, თუმცა დაღუპულის ნათესავები ამას კატეგორიულად უარყოფენ.

როგორც BBC წერს, შარლოტში ამჟამად ეროვნული გვარდიაა მობილიზებული. არეულობის შედეგად 15-ზე მეტი პოლიციელი დაშავდა, აქციის მონაწილეთა დასარბევად სამართალდამცველები ცრემლსადენ გაზს იყენებენ. აქციის ერთ-ერთი მონაწილე არეულობის დროს მძიმედ დაიჭრა, რის შემდეგაც გარდაიცვალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან