სირიის ხელისუფლება 12 სექტემბერს გამოცხადებული სამშვიდობო შეთანხმების შესრულებას წყვეტს, ამის შესახებ ინფორმაციას სირიის სახელმწიფო სააგენტო SANA ავრცელებს.

“სირიის არაბული რესპულიკის არმიისა და შეიარაღებული ძალების უმაღლესმა სარდლობამ განაცხადა, რომ რუსულ-ამერიკული შეთანხმების საფუძვლეზე 12 სექტემბერს გამოცხადებული საბრძოლო მოქმედებების შეწყვეტის რეჟიმი დასრულებულია. ვვარაუდობდით, რომ ცეცხლის შეწყვეტის რეჟიმი სისხლისღვრის შეწვეტის რეალურ შანსს მოგვცემდა, თუმცა ტერორისტულმა დაჯგუფებებმა შეთანხმება უგულვებელყვეს, მისი არც ერთი პუნქტი არ შეასრულეს და ‘სიჩუმის რეჟიმი” 300-ზე მეტჯერ დაარღვიეს”, - ნათქვამია სირიის არმიის განცხადებაში.

მანამდე სამშვიდობო შეთანხმების შეწყვეტის შესაძლებლობის შესახებ რუსეთის თავდაცვის სამინისტრომ განაცხადა.

“იმის გათვალისწინებით, რომ მებრძოლები საბრძოლო მოქმედებების რეჟიმის პირობებს არ ასრულებენ, სირიის სამთავრობო ძალების მიერ სამშვიდობო რეჟიმის ცალმხრივად დაცვა უაზროდ მიგვაჩნია”, - განაცხადა რუსეთის შეიარაღებული ძალების გენშტაბის მთავარი ოპერატიული სამმართველოს  უფროსმა, გენერალ-ლეიტენანტმა სერგეი რუდსკოიმ.

17 სექტემბერს რუსეთმა აშშ-ის ხელმძღვანლობით მოქმედი საერთაშორისო კოალიაცია სირიის სახელისუფლებო ძალებზე ავიადარტყმების განხროციელებაში დაადანაშაულა. მოსკოვის მტკიცებით, ავიაიერიშში ეფ-16-ის ტიპის ორი გამანადგურებელი და ა-10-ის ტიპის ორი მოიერიშე მონაწილეობდა. რუსეთის ხელისუფლების მონაცემებით, საჰაერო დარტყმებს სულ მცირე 60 სირიელი სამხედრო ემსხვერპლა.

ვაშინგტონში განაცხადეს, რომ დარტყმების განხორციელება ექსტრემისტული დაჯგუფების “ისლამური სახელმწიფოს” პოზიციებზე იგეგმებოდა. პენტაგონის მტკიცებით,  კოალიციამ ოპერაცია შეწყვიტა, როგორც კი რუსეთისგან შეიტყო, რომ დარტყმის სამიზნე სირიის ჯარი გახდა. მოგვიანებით ოპერაციაში მონაწილეობა დიდმა ბრიტანეთმა, დანიამ და ავსტრალიამ აღიარეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას