ქართული ეკონომიკის განვითარების ორდღიანი ფორუმის შედეგები ჰარვარდის უნივერსიტეტის პროფესორმა დანი როდრიკმა ტელეკომპანია „მაესტროსთან“ ინტერვიუში შეაჯამა.

მისი თქმით, იყო დრო, როდესაც ბევრი ქვეყანა, მათ შორის საქართველოს წინა ხელისუფლება, ეკონომიკურ რეფორმებს, ძირითადად, უყურებდა, როგორც ეკონომიკის ლიბერალიზაციას და სტაბილიზაციას. დანი როდრიკის შეფასებით, ეს იყო უკან გადადგმული ნაბიჯი და მოლოდინი იმისა, რომ ინდუსტრია თავისით განვითარდებოდა.

„საქართველოში ჩამოვედი იმისთვის, რომ გამეცა რეკომენდაციები, გამემართა დისკუსია ეკონომიკური და სტრუქტურული ტრანსფორმაციის შესახებ.  გვქონდა  ნაყოფიერი დისკუსია ეკონომიკის გლობალურ გამოწვევებზე, ასევე იმაზე, რა გამოწვევების წინაშეც ქართული ეკონომიკა დგას. ჩვენ ორი დღის განმავლობაში ვისაუბრეთ სხვადასხვა თემებზე, მათ შორის ექსპორტზე, საქართველოს ეკონომიკაზე, განვიხილეთ, რა დაბრკოლებებს აწყდება საქართველოს მთავრობა და როგორ უნდა გაუმკლავდეს მათ. ჩვენ არ გვაქვს მხოლოდ სპეციფიკური რეკომენდაციები მთავრობისთვის, ჩვენ ვისაუბრეთ ახალი ეკონომიკური შინაგანაწესის შესახებ და განვიხილეთ, როგორ იმართება ინდუსტრიული ეკონომიკა.
მე ვფიქრობ, რომ საქართველოს ახლანდელი მთავრობა, ისევე როგორც სხვა ქვეყნის მთავრობები, ფიქრობს, რომ გჭირდებათ ეკონომიკური შინაგანაწესი, რომელიც უფრო მეტად აქტიური იქნება. მთავრობა კომუნიკაციაშია კერძო სექტორთან,  ისმენს მათ პოზიციას და ცდილობს, უპასუხოს არსებულ საჭიროებებსაც. ცხადია, მთავრობამ კერძო სექტორისგან წამოსული მოსაზრებები უნდა მოისმინოს და გაითვალისწინოს“, - განაცხადა როდრიკმა.

ჰარვარდის უნივერსიტეტის პროფესორის აზრით,   საქართველოს ჰყავს მთავრობა, რომელიც ფიქრობს და აანალიზებს, როგორ უნდა გაუმკლავდეს ეკონომიკის სფეროში არსებულ გამოწვევებს. „მოხარული ვარ, რომ მთავრობა, პრაქტიკულად, ნერგავს საუკეთესო გამოცდილებას   ეკონომიკის შინაგანაწესის შეცვლის პროცესში“, - აღნიშნა დანი როდრიკმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო უარყოფს ესპანეთის წევრობის შეჩერებას აშშ-ის მუქარის შემდეგ

რუსმა მდიდარმა პირებმა ახალ ზელანდიაში ბუნკერების ყიდვა დაიწყეს

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა