ნიცაში მომხდარი ტერაქტის დროს დაშავებული 50 ადამიანის მდგომარეობა სიკვდილ-სიცოცხლის ზღვარზეა, - ამის შესახებ საფრანგეთის პრეზიდენტმა ფრანსუა ოლანდმა  განაცხადა.

მან ნიცაში მდებარე ერთ-ერთი საავადმყოფო მოინახულა, სადაც ამ დრომდე უამრავი დაშავებული იმყოფება.

საფრანგეთის პრეზიდენტის განცხადებით, სამართალდამცველებმა, ნიცაში უსაფრთხოების უზრუნველსაყოფად ყველა შესაძლებელი ზომა მიიღეს.

ცნობისთვის, გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა. იგი ათეულობით ადამიანს დაეჯახა, შემდეგ კი ცეცხლი გახსნა. თავდასხმის შედეგად 84 ადამიანი გარდაიცვალა, მათ შორის არიან ბავშვებიც. ამასთან, ათობით ადამიანი დაშავდა, მათგან 18 კრიტიკულ მდგომაროებაშია. მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

აღნიშნული ტრაგედიის გამო, საფრანგეთის პრეზიდენტმა ფრანსუა ოლანდმა ქვეყანაში საგანგებო რეჟიმი სამი თვით გაახანგრძლივა. ქვეყანაში სამდღიანი გლოვაა გამოცხადებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქსტატი: 2024 წლის 14 ნოემბრის მდგომარეობით, საქართველოს მოსახლეობა 3 929 581-ია

Reuters - უკრაინა დრუჟბას ნავთობსადენის მეშვეობით ნავთობის მიწოდებას ოთხშაბათს აღადგენს

ჯო უილსონი: პუტინი ჩინეთის კომუნისტური პარტიის მიერ კონტროლირებად ანაკლიის პორტს იყენებს

საქართველოს ბანკი დედამიწის დღეს მწვანე ინიციატივებს აჯამებს