საპარლამენტო უმცირესობის ერთ-ერთი ლიდერის, გიგი წერეთლის განცხადებით, კოალიცია „ქართულ ოცნების“ ნაწილი ნატო-ში საქართველოს გაწევრიანებას მხარს არ უჭერს და ეს პროცესებზე უარყოფითად მოქმედებს.

როგორც წერეთელმა „ექსპრენსიუსს“ განუცხადა, ყველასთვის ნათელი იყო, რომ ვარშავის სამიტზე დრამატული ცვლილებები არ მოხდებოდა.

"ნატო-ს სამიტთან დაკავშირებით, მოლოდინი ყოველთვის დიდია, განსაკუთრებით მაშინ, როდესაც ამის წინასწარი განწყობები გვაქვს. თუმცა, ყველასთვის ნათელი იყო, რომ ვარშავის სამიტზე დრამატული ცვლილებები არ მოხდებოდა. ვარშავის სამიტზე მიღებული გადაწყვეტილებები არ მოგვცემს იმის გარანტიას, რომ საქართველო უახლოეს პერიოდში ნატო-ს წევრი ქვეყანა გახდება. თუმცა, აღსანიშნავია, რომ ნატო საქართველოს მიმართ და ზოგადად, ჩვენი რეგიონის მიმართ გაძლიერებულ ყურადღებას იჩენს. ჩვენ ძალიან ბევრ სფეროში ვთანამშროლობთ. ნატო-ში საქართველოს გაწევრიანება დამოკიდებული იქნება რუსეთისა და დასავლეთის ურთიერთობებზე, საჭიროა შესაბამისი გარემოს შექმნა და გერმანიისა და სხვა სკეპტიკურად მყოფი ქვეყნების მიერ საქართველოს პოზიციის გაზირება. არც მონტენეგროსა და ბალტიისპირეთის ქვეყნების გაწევრიანებით იქნებოდა რუსეთი ბედნიერი, მაგრამ ვხედავთ, რომ ეს პოლიტიკური გადაწყვეტილება მიიღეს. საქართველოს ნატო-ზე უკეთესი უსაფრთხოების გარანტია არ არსებობს. რაც შეეხება საქართველოს ამჟამინდელი ხელისუფლების 4-წლიან მუშაობას ამ მიმართულებით, კოალიციას ამ საკითხზე ორაზროვანი მიდგომები ჰქონდა, კოალიციის ნაწილი ნატო-ში საქართველოს გაწევრიანებას მხარს არ უჭერს და ეს პროცესებზე უარყოფითად მოქმედებს. ყოველი ნაბიჯი, რომელიც ნატო-ს ეკონომიკურ, სამხედროსა და დემოკრატიულ სტანდარტებს არ შეესაბამება, სკეპტიკურად განწყობილ მხარეს აძლევს არგუმენტებს, რომ უარი თქვან საქართველოს ნატო-ში გაწევრიანებაზე", - განაცხადა წერეთელმა.

გიგი წერეთელი საფრანგეთის პრეზიდენტის, ფრანსუა ოლანდის განცხადებასაც გამოეხმაურა, რომლის თანახმადაც რუსეთი საფრთხეს არ წამოადგენს.

წერეთლის თქმით, რუსეთთან დიალოგი აუცილებელია, მაგრამ თავად რუსეთისთვის ყველა დიალოგი დროის გაწელვაა. რუსეთს არ შეუსრულებია არც ერთი მასზე დაკისრებული მოვალეობა და სწორედ ამაზე უნდა იყოს პრინციპული დიალოგი.

"რუსეთი მსოფლიოში დიდი პოლიტიკური მოთამაშეა. რუსეთი დასავლეთს ჭირდება არა როგორც ანტაგონისტი, არამედ გარკვეულ პროცესებში პარტნიორად. ამიტომ, დასავლეთს უხდება გარკვეულ კომპრომისებზე წასვლა. თუკი დიალოგით რამეს მივაღწევთ და რაიმეს მიაღწევს დასავლეთი ეს კარგია, მაგრამ რუსეთმა უნდა იცოდეს, რომ არის დიდი ძალა ნატო-სა და ევროპის სახით, რომელიც მის სამხედრო თუ სხვა ტიპის ავანტურებს წინ აღუდგება", - განაცხადა გიორგი წერეთელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა