ვარშავის სამიტის მეორე დღე საქართველოს თავდაცვის მინისტრმა თინათინ ხიდაშელმა ლიბერალ-დემოკრატიული პარტიის წარმომადგენლებთან შეხვედრით დაიწყო.

თავდაცვის სამინისტროს ინფორმაციით, სამიტის წინ გამართულ შეკრებაზე, რომელსაც ჰოლანდიის, ესტონეთის, სლოვენიისა და დანიის პრემიერ-მინისტრები, ბელგიისა და დანიის საგარეო საქმეთა მინისტრები და ლიბერალ-დემოკრატიული პარტიის ლიდერები ესწრებოდნენ,  საქართველოს ვიზალიბერალიზაციის დაჩქარების პროცესი განიხილეს.

“საინტერესო შეხვედრა გამოვიდა. ერთი საათის განმავლობაში ვსაუბრობდით იმ შესაძლებლობებზე, რომელიც საქართველოსთვის არსებობს დღევანდელ უსაფრთხოების გარემოში. როგორც ჰოლანდიის, ასევე ესტონეთისა და  დანიის პრემიერ-მინისტრები ცალსახად აცხადებენ, რომ მცდელობას არ დაიშურებენ ყველა ღონე იხმარონ, რათა საქართველოს ვიზალიბერალიზაციის პროცესი დაჩქარდეს და საქართველოში უსაფრთხოებისა და  თავდაცვისუნარიანობის ღონისძიებები გაძლიერდეს.  მათი მხარდაჭერა ისედაც საკმაოდ დიდი და მნიშვნელოვანია და ჩვენ დიდი იმედი გვაქვს,  რომ ეს კიდევ გაფართოვდება ვარშავის შემდეგ. ჩვენი ამოცანაა, ამ პოლიტიკური გადაწყვეტილებების ფარგლებში მივიღოთ მაქსიმალური მხარდაჭერა. დღევანდელი შეხვედრა სწორედ იმას ემსახურებოდა, რომ ნატოს წევრი ქვეყნების პრემიერ-მინისტრებთან პირდაპირი დიალოგი გავმართოთ ყველა იმ ღონისძიების უზრუნველსაყოფად და შესაძლებლობის განსახორციელებლად, რაც ვარშავამ  პოლიტიკური გადაწყვეტილებების დონეზე მოგვცა”, - განაცხადა თინათინ ხიდაშელმა.

შეხვედრაზე ლიბერალ-დემოკრატიული პარტიიდან წარმოდგენილნი იყვნენ პარტიის თავმჯდომარე ჰანს ვანდელინი, პარტიის გენერალური მდივანი იაკობ რასმუსენი და ასევე, პოლონეთის ლიბერალური პარტიის თავმჯდომარე რიჩარდ პერტუ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა