გიორგი ვაშაძის  განცხადებით, 8 ივნისს სამოქალაქო პლატფორმა - ახალი საქართველოს რეგისტრაციასთან დაკავშირებით განაცხადი შეიტანეს, სადაც ყველა საჭირო საბუთი და დოკუმენტაცია წარდგენილი იყო. თუმცა, ვაშაძის განმარტებით, ხარვეზი დაუდგინეს და რეგისტრაციის პროცედურების ხელოვნურად გაჭიანურება ხდება: 

"ჩვენ შევეცადეთ არ დაგვეძაბა სიტუაცია და ორი დღის მანძილზე ნაცვლად დახარვეზებული 364 ხელმოწერისა  წარვადგინეთ ორჯერ მეტი, კერძოდ 710 ხელმოწერა. დღეს საბოლოოდ ამოიწურა რეგისტრაციის დოკუმენტების განხილვის ვადა.
 დილიდან ჩვენი წარმომადგენლები ცდილობენ ინფორმაციის მოპოვებას, მაგრამ  იუსტიციის სამინიტროს მხრიდან არ არის არანაირი რეაგირება.
ფაქტია, ხდება ხელოვნურად რეგისტრაციის პროცედურების გაჭიანურება. რის გამოც ჩვენ, როგორც არჩევნებში მონაწილე პოლიტიკურ ძალას არ გვეძლევა შესაძლებლობა თანაბარ, კონკურენტულ პირობებში ვაწარმოოთ საარჩევნო კამპანია. აქვე აღსანიშნავია, რომ ცენტრალურ საარჩევნო კომისიას გამოცხადებული აქვს საარჩევნო ღონისძიებათა ვადები და ჩვენ მოკლებულნი ვართ შესაძლებლობას განვახორციელოთ შესაბამისი ღონისძიებები, რაც არჩევნების სამართლიანობასა და დემოკრატიულობას აყენებს ჩრდილს.“- აცხადებს სამოქალაქო პლატფორმა ,,ახალი საქართველოს“ ლიდერი გიორგი ვაშაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა