შინაგან საქმეთა სამინისტროს საგზაო მოძრაობის უსაფრთხოების კვირეული ბათუმში გრძელდება. კვირეულის ფარგლებში, ველომარათონი გაიმართა, რომელშიც ველომოყვარულებმა, ადგილობრივმა სპორტსმენებმა და ტურისტებმა მიიღეს მონაწილეობა და საგზაო მოძრაობის უსაფრთხოების კამპანიას შეუერთდნენ.

ღონისძიება შსს-ს მომსახურების სააგენტოს სპორტული კლუბის - MIA Force მრბოლელმა, საგზაო მოძრაობის უსაფრთხოების კამპანიის სახემ, დათა ქაჯაიამ გახსნა. მან მარათონის მონაწილეებს საგზაო მოძრაობის უსაფრთხოების კამპანიის შესახებ ამომწურავი ინფორმაცია მიაწოდა და საგზაო მოძრაობის წესების დაცვისკენ მოუწოდა.

ველომარათონის მონაწილეებმა საგზაო მოძრაობის პროგრამის ბრენდირებული მაისურები და კეპები მოირგეს. მათ სტარტი კვირეულის ფარგლებში მოწყობილი გამოფენის ტერიტორიიდან აიღეს და ველოსიპედებით 3-კილომეტრიანი მანძილი დაფარეს.

შსს-ს მომსახურების სააგენტოსა და სპორტული კლუბის - MIA Force მიერ ორგანიზებული კვირეული ბათუმში უკვე მეხუთე დღეა მიმდინარეობს. საგზაო მოძრაობის უსაფრთხოების კამპანიის კვირეულის ფარგლებში, ბათუმის ბულვარში სხვადასხვა ღონისძიება გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს