ქ. ვენაში მიმდინარე  უსაფრთხოების საკითხების გადახედვის ეუთო-ს ყოველწლიური კონფერენციის (ASRC) ფარგლებში გაიმართა  შეიარაღებაზე კონტროლის საკითხებისადმი მიძღვნილი სამუშაო სესია.
 
აღნიშნულ სესიაზე საქართველოს სახელით განცხადება გააკეთა საგარეო საქმეთა მინისტრის პირველმა მოადგილემ, დავით ზალკალიანმა. თავის გამოსვლაში მან აღნიშნა, რომ შეიარაღებაზე კონტროლის ძირითადი რეჟიმებისა და ნდობისა და უსაფრთხოების განმტკიცების მექანიზმების თანახმად ნაკისრი ვალდებულებების წლების განმავლობაში შეუსრულებლობამ ევროპული უსაფრთხოების არქიტექტურა ღრმა კრიზისში შეიყვანა.  საერთაშორისოდ ნაკისრი  ვალდებულებების შესრულების კონტექსტში, მინისტრის პირველმა მოადგილემ ხაზი გაუსვა 2008 წლის აგვისტოში განხორციელებულ აგრესიას, რასაც მოყვა ქვეყნის ტერიტორიების ოკუპაცია და ოკუპირებულ ტერიტორიებზე მიმდინარე სამხედრო აღმშენებლობა. თავის გამოსვლაში დავით ზალკალიანმა ასევე ისაუბრა ევროპული უსაფრთხოების არქიტექტურის გამართული ფუნქციონირების აღდგენის აუცილებლობასა და მისი გარკვეული კომპონენტების მოდერნიზების შესაძლებლობაზე. მან ხაზგასმით აღნიშნა, რომ უსაფრთხოების არქიტექტურა უნდა ეყრდნობოდეს ისეთ ფუნდამენტურ პრინციპებს, როგორიცაა ტერიტორიული მთლიანობა და სუვერენიტეტი, უცხო ქვეყნის შეიარაღებული ძალების განლაგებაზე მიმღები ქვეყნის თანხმობა, ტრანსფარენტულობა, ნაცვალგებითობა და ა.შ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა