პრეზიდენტი მაჭავარიანის და დოლიძის დანიშვნას მომავალი საპრეზიდენტო არჩევნებისთვის გუნდის შექმნას არ უკავშირებს

2016-06-27 18:09:57, 570 ნახვა

პოლიტიკა

საქართველოს პრეზიდენტი გიორგი მარგველაშვილი ვანო მაჭავარიანის და ანა დოლიძის დანიშვნას პრეზიდენტი ადმინისტრაციასა და უშიშროების საბჭოში მომავალი საპრეზიდენტო არჩევნებისთვის გუნდის შექმნას არ უკავშირებს.

ამის შესახებ პრეზიდენტმა ჟურნალისტის კითხვის საპასუხოდ განაცხადა, რომლის თანახმადაც ანა დოლიძის და ვანო მაჭავარიანის დანიშვნით, გაჩნდა მოსაზრება, რომ პრეზიდენტი მომავალი საპრეზიდენტო არჩევნებისთვის გუნდს აყალიბებს.

„ის, რომ ჩვენთან მუშაობენ განსაკუთრეებული კვალიფიკაციის ადამიანები ეს შეეხება ქალბატონ ანასაც, შეეხება ბატონ ვანოსაც ეს ეხება სხვა ძალიან მაღალი კვალიფიკაციის როგორც პოლიტიკურ ასევე პოლიტიკური გამოვევების მქონე ადამიანებს. ასევე პროფესიონალებს თავის სფეროში, რასაც მე ვხედავ ჩვენთან ყველაზე მაღალი კვალიფიკაციის მქონე თანამშრომლები არიან. ეს პროცესი კავშირშია ჩემს მიმდინარე მანდატთან. პოლიტიკოსები არ ცხოვრობენ მხოლოდ არჩევნებისთვის. პოლიტიკოსები ცხოვრობენ იმისთვის, რომ ის ვალდებულებები და მანდატი, რომელიც მათ გააჩნიათ მაღალი კვალიფიკაციით განახორციელონ“,-განაცხადა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან