საქართველოს შინაგან საქმეთა სამინისტროს აკადემიაში საზღვრის ერთიანი მართვის თასის 2016 წლის ფინალური გათამაშება გაიმართა. საზეიმო ღონისძიებას ესწრებოდნენ: საქართველოს ფინანსთა სამინისტროს, შემოსავლების სამსახურის უფროსის მოადგილე ვახტანგ ლაშქარაძე, საპატრულო პოლიციის დეპარტამენტის დირექტორის მოადგილე ლევან მაჭავარიანი, ასევე სასაზღვრო პოლიციისა და შინაგან საქმეთა სამინისტროს აკადემიის წარმომადგენლები. საზღვრის ერთიანი თასის გათამაშებაში მონაწილეობდა 4 გუნდი: საქართველოს შინაგან საქმეთა სამინისტროს საპატრულო პოლიცია, სასაზღვრო პოლიცია, შსს აკადემია და საქართველოს ფინანსთა სამინისტროს შემოსავლების სამსახური.

ჩემპიონატის გამარჯვებული საქართველოს შინაგან საქმეთა სამინისტროს საპატრულო პოლიციის გუნდი გახდა, ხოლო მეორე და მესამე ადგილები შემოსავლების სამსახურისა და საზღვრის დაცვის პოლიციის გუნდებმა გაინაწილეს. გამარჯვებულ გუნდს სამახსოვრო ჯილდო გადაეცა, ხოლო ტურნირის ყველა მონაწილე საპატიო სიგელით დაჯილდოვდა.

აღნიშნული ფეხბურთის ჩემპიონატი ევროკავშირისა და გაეროს განვითარების პროგრამის (UNDP) ხელშეწყობით გაიმართა. მისი მიზანი იყო საქართველოში საზღვრის ერთიანი მართვის ხელშეწყობა და ამ სფეროში უწყებათაშორისი თანამშრომლობის გაღრმავება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა