სოფო ჯაფარიძე საქართველოს აზერბაჯანელ ქალთა კავშირის ხელმძღვანელს ლეილა სულეიმანოვასა და ეთნიკური უმცირესობის წარმომადგენელ ახალგაზრდებს შეხვდა

2016-06-24 21:40:14, 663 ნახვა

საზოგადოება

საქართველოს პრემიერ-მინისტრის თანაშემწე ადამიანის უფლებათა დაცვისა და გენდერული თანასწორობის საკითხებში სოფო ჯაფარიძე , საქართველოს აზერბაჯანელ ქალთა კავშირის ხელმძღვანელს ლეილა სულეიმანოვასა და ეთნიკური უმცირესობის წარმომადგენელ ახალგაზრდებს შეხვდა.

შეხვედრის მთავარი თემა ქალთა და ოჯახში ძალადობის წინააღმდეგ ბრძოლა და ადრეული ქორწინების პრევენცია იყო.

სოფო ჯაფარიძემ ახალგაზრდებს დეტალური ინფორმაცია მიაწოდა ქვეყანაში ქალთა და ოჯახში ძალადობის გამოვლენისა და პრევენციის მიზნის მქონე ინსტიტუტებზე, ასევე იმ გამოწვევებზე და მიღწევებზე რაც ბოლო დროის განმავლობაში აღნიშნული მიმართულებებით გამოვლინდა. მან ასევე ისაუბრა ქალთა და ოჯახში ძალადობის წინააღმდეგ ბრძოლისა თუ მსხვერპლთა (დაზარალებულთა) დასაცავად გასატარებელ ღონისძიებებზე, რომლებსაც 2016-2017 წლების ადამიანის უფლებათა დაცვის სამთავრობო სამოქმედო გეგმა ითვალისწინებს. სოფო ჯაფარიძემ ხაზგასმით ისაუბრა ქალების როლის გაძლიერებაზე, ადრეული ქორწინების ურყოფით შედეგებზე და მისი პრევენციის მიზნით განსახორციელებლ აქტივობებზე. ახალგაზრდებს ასევე მიეწოდათ ინფორმაცია ოჯახში ძალადობის აღკვეთის ღონისძიებათა განმახორციელებელ საუწყებათაშორისო საბჭოზე, მასთან არსებულ საკონსულტაციო ჯგუფზე და ოჯახში ძალადობის მსხვერპლის სტატუსის განმსაზღვრელი ჯგუფის (მსხვერპლის იდენტიფიცირების ჯგუფის) საქმიანობაზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან