"თავისუფალი დემოკრატები": ხელისუფლების მხრიდან პროვოკაციის გზით, მუდმივადაა მცდელობა, ჩვენს მუშაობს ხელი შეეშალოს

2016-06-21 16:59:18, 590 ნახვა

პოლიტიკა

პარტია ''თავისუფალი დემოკრატები'' სამეგრელოს რეგიონში მაჟორიტარი დეპუტატობის კანდიდატებს უახლოეს დღეებში წარადგენს. შესაბამისად ყველა რაიონში მიმდინარეობს საარჩევნოს შტაბების ჩამოყალიბება და პარტიული ორგანიზაციების ახალი წევრებით შევსების პროცესი.

როგორც პარტიის მიერ გავრცელებულ განცხადებაშია ნათქვამი, ხელისუფლების მხრიდან პროვოკაციის გზით მუდმივად არის მცდელობა, ხელი შეეშალოს ''თავისუფალი დემოკრატების'' მუშაობას.

"''თავისუფალი დემოკრატები'' მოვუწოდებთ ხელისუფლებას, იყოს საკუთარი განცხადებების ერთგული, ვგულისხმობთ თავისუფალი არჩევნების დემოკრატიულ, სამართლიან გარემოში ჩატარების ქცევის კოდექსის შესახებ მოწოდებას პრემიერის მხრიდან. მთავრობის ხელმძღვანელის ამ მოწოდების ფონზე ოპონენტების წინააღმდეგ უკადრისი მეთოდებით ბრძოლა სულ მცირე არაეთიკურია და აზიანებს საარჩევნო პროცესს",-ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან