თბილისის საქალაქო სასამართლომ 21 წლის ანა ნაცვლიშვილის მკვლელობის ბრალდებით დაკავებულ ლადო გრიგალაშვილს, აღკვეთის ღონისძიების სახით პატიმრობა შეუფარდა.

ბრალდების მხარემ პროცესზე საქმეში არსებულ მტკიცებულებებზე ისაუბრა. პროკურატურის ინფორმაციით, ბრალდებულმა ლადო გრიგალაშვილმა ანა ნაცვლიშვილს 7 ჭრილობა მიაყენა, რის შემდეგაც, დანაშაულის იარაღი გადამალა. პროკურატურა ამტკიცებს, რომ დანა, გრიგალაშვილის მამის კუთვნილ ავტომობილში აღმოაჩინეს.

რაც შეეხება დაცვის მხარეს, ადვოკატი აღკვეთის ღონისძიების სახით პატიმორბის შეფარდებასთან დაკავშირებით პროკურორის შუამდგომლობას დაეთანხმა. როგორც ადვოკატმა აღნიშნა, ეს მისი დაცვის ქვეშ მყოფის უსაფრთხოებას უზრუნველყოფს. მისივე განცხადებით, საქმეში არსებული დანა ბრალდებულის მამას ეკუთვნის და დანაშაული ამ დანით ჩადენილი ვერ იქნებოდა.

შეგახსენებთ, რომ 22 თებერვალს, გამთენიისას, თბილისში, თემქის დასახლებაში, ახალგაზრდა ქალის ცხედარი აღმოაჩინეს, რომელსაც, ცივი იარაღით მიყენებული ჭრილობები აღენიშნებოდა. გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს. შინაგან საქმეთა სამინისტრომ, აღნიშნული ფაქტი ცხელ კვალზე გახსნა და 21 წლის გოგოს მკვლელობაში ეჭვმიტანილი დააკავა. უწყების ცნობით, ეს გოგონას ყოფილი შეყვარებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს