ვანო მერაბიშვილი მიიჩნევს, რომ მისი გამარჯვება ადამიანის უფლებათა ევროპულ სასამართლოში ყველა იმ ადამიანის გამარჯვებაა, რომელიც უკანონო პატიმრობაში იმყოფება, - ამის შესახებ ყოფილი პრემიერის ადვოკატმა, ოთარ კახიძემ მერაბიშვილთან შეხვედრის შემდეგ ჟურნალისტებს განუცხადა.

კახიძის თქმით, მერაბიშვილი თავს მხნედ გრძნობს და ბრძოლას ყველა სამართლებრივი გზით განაგრძობს.

„ვანო მერაბიშვილი მიიჩნევს, რომ მისი გამარჯვება ადამიანის უფლებათა ევროპულ სასამართლოში ყველა იმ პოლიციელის გამარჯვებაა, რომელიც უკანონოდ გაათავისუფლეს სამსახურიდან, უკანონოდ იმყოფება პატიმრობაში ან შეავიწროვეს პოლიტიკური ნიშნით. ასევე,  ეს არის გამარჯვება ყველა იმ საჯარო მოხელის, რომელიც გაათავისუფლეს სამსხურიდან ან პოლიტიკურ დევნაშია. ვანო მერაბიშვილს მიაჩნია, რომ,  რაც ისედაც ნათელი იყო, ადამიანის ევროპულმა სასამართლომ პრაქტიკულად დაადასტურა“, - განაცხადა ოთარ კახიძემ.

ცნობისთვის, ოთარ კახიძემ ვანო მერაბიშვილი ე.წ. მატროსოვის ციხეში მოინახულა. ადვოკატი სასჯელაღსრულების დაწესებულებაში დახლოებით ორი საათის განმავლობაში იმყოფებოდა.

შეგახსენებთ, რომ სტრასბურგში ადამიანის უფლებების ევროპულმა სასამართლომ დაადგინა, რომ ვანო მერაბიშვილთან მიმართებაში ადამიანის უფლებების ევროპული კონვენციის მუხლები დაირღვა. სასამართლოს დადგენილებით, საქართველოს მთავრობამ ვანო მერაბიშვილს 12 ათასი ევრო 3 თვის განმავლობაში უნდა გადაუხადოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა