მინდა პრინციპულად განვაცხადო, რომ ხელისუფლება ამ ფაქტს რეაგირების გარეშე არ დატოვებს, - ამის შესახებ სახელმწიფო უსაფრთხოების სამსახურის უფროსის მოადგილე ლევან იზორიამ ხურჩაში მომხდარ მკვლელობასთან დაკავშირებით ჟურნალისტებს განუცხადა.

იზორია დღეს ზუგდიდში იმყოფებოდა, სადაც მოკლული  გიგა ოთხოზორიას ოჯახს მიუსამძიმრა.

"პირველ რიგში მინდა, სამძიმარი გამოვუცხადო დაღუპულის ოჯახს. ეს არის ძალიან მძიმე შემთხვევა თითოეული ჩვენგანისთვის. მინდა პრინციპულად განვაცხადო, რომ ხელისუფლება ამ ფაქტს რეაგირების გარეშე არ დატოვებს. ასევე, მინდა ვთქვა, რომ ზოგიერთი ჩვენი ოპონენტი  ამ ფაქტს იყენებს საკუთარი პოლიტიკური ინტერესებისთვის, როცა ამბობენ,  მსგავს შემთხვევებს თითქოსდა ადგილი არ ჰქონია. მართლაც, 2012 წლიდან ასეთ ფაქტს ადგილი არ ჰქონია, თუმცა 2008 წლიდან სამწუხაროდ ათეულობით გახმაურებულ ფაქტს ჰქონდა ადგილი, რომელიც ლეტალური შედეგითაც დასრულდა",- განაცხადა იზორიამ.

მან ასევე აღნიშნა, რომ მსგავსი შემთხვევების მეტი პრევენციისთვის, პატრულირება კიდევ უფრო გაძლიერდება. 

„ახლო მომავალში  IPRM -ი ჩატარდება გალში, 4-წლიანი პაუზის შემდეგ.  გუშინ მე მქონდა ევროკავშირის სადამკვირვებლო მისიის ხელმძღვანელთან შეხვედრა,  სადაც ვთქვი, რომ პირველი მოთხოვნა, რაც ჩვენი მხრიდან დადგება, იქნება სწორედ დაკავშირებული იმასთან, რომ დამნაშავე, რომელიც უკვე დადგენილია, იქნეს უმკაცრესად დასჯილი. ჩვენ ყველანაირ ფორმატს, იქნება ეს ჟენევის ფორმატი, თუ IPRM , გამოვიყენებთ, რომ  ეს მოთხოვნა შესრულდეს",- განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება