დევნილთა და განსახლების მინისტრის მოადგილე შოთა რეხვიაშვილი ევროკავშირის სადამკვირვებლო მისიის ხელმძღვანელის მოადგილეს ერიკ ჰიოგს შეხვდა.

ლტოლვილთა და განსახლების სამინისტროს ინფორმაციით, შეხვედრაზე მინისტრის მოადგილემ ერიკ ჰიოგს სამინისტროს   საქმიანობის შესახებ  ინფორმაცია მიაწოდა და სტატისტიკური მონაცემები გააცნო.

უწყების ინფორმაციით, შოთა რეხვიაშვილმა ასევე   გრძელვადიანი განსახლების მიმართულებით სამინისტროს მიერ განხორციელებულ  პროექტებსა და მომავლის გეგმებზე ისაუბრა.  

მინისტრის მოადგილის განცხადებით, სამინისტრო პრიორიტეტს  ნგრევადი და სიცოცხლისათვის საშიში ობიექტებიდან დევნილი ოჯახების განსახლებას ანიჭებს. დღევანდელი მონაცემებით, სამინისტრომ უკვე 38 ასეთი შენობა დახურა და იქ მცხოვრებ ოჯახებს ბინები ახალაშენებულ ან რეაბილიტირებულ კორპუსებში გადასცა. 

შოთა რეხვიაშვილი ასევე შეეხო  „სოფლად სახლის“,  „მართლზომიერ მფლობელობაში არსებული საცხოვრებელი ფართების დაკანონებისა“ და „იპოთეკური სესხის დაფარვის“ პროექტებს.  მინისტრის მოადგილემ ევროკავშირის სადამკვირვებლო მისიის ხელმძღვანელთან შეხვედრისას განაცხადა, რომ სამინისტრომ დაიწყო ახალი კორპუსების მშენებლობა ზუგდიდში, ქუთაისსა და გორში.

შეხვედრის დასასრულს,  ევროკავშირის სადამკვირვებლო მისიის ხელმძღვანელის მოადგილემ ერიკ ჰიოგმა მინისტრის მოადგილეს  ამომწურავი ინფორმაციის მიწოდებისთვის მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს