2016-05-19 12:49:47, 549 ნახვა

---

ხიდაშელი „დელტაში“ მოკვლევის დასრულებამდე კონკრეტული ინფორმაციის გამჟღავნებისგან თავს იკავებს

საქართველოს თავდაცვის მინისტრი თინა ხიდაშელი  „დელტაში“  მოკვლევის დასრულებამდე კონკრეტული ინფორმაციის გამჟღავნებისგან თავს იკავებს. 

როგორც ხიდაშელმა აღნიშნა, მას ძალიან დიდი იმედი აქვს, რომ ინფორმაცია, რომელიც გავრცელდა არასრულყოფილია. 

"ჩვენ გამოვაქვეყნეთ თანხის გადარიცხვის ფურცელი. ეს საჯარო და ხელმისაწვდომია. 17 თებერვალს მათ ჩაერიცხათ მოთხოვნილი თანხა, მაგრამ ამის მეტს ვერაფერს ვერ გეტყვით. მე კი ვიცი, სინამდვილეში რა მოხდა, მაგრამ რა აზრი ექნება მაშინ იმ მოკვლევას, რომელსაც ვატარებთ. ძალიან დიდი იმედი მაქვს, რომ ის ინფორმაცია, რომელიც ამ წუთის მდგომარეობით მაქვს, არასრულყოფილია. დაველოდოთ მოკვლევის შედეგებს. ვიმედოვნებთ, რომ ეს ძალიან მალე იქნება", - განაცხადა  ხიდაშელმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი