შსს-ს საექსპერტო-კრიმინალისტიკური დეპარტამენტმა ესპანეთის ქალაქ ბილბაოში გამართულ ევროპის საექსპერტო დაწესებულებათა კავშირის (ENFSI) ყოველწლიურ კონფერენციაში, როგორც ახალმა სრულუფლებიანმა წევრმა, პირველად მიიღო მონაწილეობა.

შსს-ს ინფორმაციით, კონფერენციას  ENFSI-ის თავმჯდომარე ჟან დე კინდერი უძღვებოდა, რომელმაც  საქართველოს შსს-ს საექსპერტო-კრიმინალისტიკური დეპარტამენტი კავშირის სხვა სრულუფლებიან წევრებს წარუდგინა. ღონისძიებაზე დეპარტამენტის დირექტორ ნუგზარ სუჯაშვილს ENFSI-ის დროშა და სრულუფლებიანი წევრობის დამადასტურებელი სერტიფიკატი გადაეცა.

კონფერენციის ფარგლებში, შსს-ს საექსპერტო-კრიმინალისტიკურმა დეპარტამენტმა ENFSI-ის მმართველი საბჭოს ახალი წევრების არჩევის,  სამომავლო ღონისძიებებისა და ფინანსური დოკუმენტის დამტკიცების კენჭისყრის პროცესებში მიიღო მონაწილეობა.

შსს-ს საექსპერტო-კრიმინალისტიკური დეპარტამენტი აღნიშნული ორგანიზაციის სრულუფლებიანი წევრი 2016 წლის 5 იანვარს გახდა. ENFSI ევროპაში ყველაზე ავტორიტეტულ საექსპერტო გაერთიანებაა. ორგანიზაციის წევრობა წარმოადგენს გარანტს, რომ საექსპერტო დაწესებულება საერთაშორისო სტანდარტებს შეესაბამება.

ENFSI-ის ეგიდით, რეგულარულად ტარდება ერთობლივი სწავლებები, სემინარები და კონფერენციები. კავშირში გაწევრიანების შემდეგ, ქართველი ექსპერტები, ევროპელ კოლეგებთან ერთად, მონაწილეობას მიიღებენ სხვადასხვა საექსპერტო მეთოდის დახვეწა-განახლებაში, მათთვის ასევე ხელმისაწვდომი გახდება უახლესი ინფორმაცია მონაცემთა ბაზებზე, საექსპერტო-სამეცნიერო პროგრესისა და ტენდენციების შესახებ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება