„დავით ნარმანიას აქ მოსვლა ივანიშვილის ბრძანება იყო, რომელსაც ძალიან ადარდებს მისი სახელის ტალახში ამოსვრა”, - ამის შესახებ ”ნაციონალური მოძრაობის” წერვმა, ირაკლი აბესაძემ ჟურნალისტებთან საუბრისას განაცხადა.

„როგორც მოსალოდნელი იყო, თბილისის მერმა ყველაფერი გააკეთა, რომ არ ესაუბრა ბოტანიკურ ბაღზე. არ ესაუბრა თბილისელების პრობლემაზე, გაფლანგულ მილიონებზე და ყურადღება გადაეტანა წარსულში არსებულ შეცდომებზე და ამით დაეცვა ივანიშვილის ღირსება. ადამიანის, რომელმაც თბილისელებს ქალაქის ცენტრში წაართვა 300 ათასი კვადრატული სარეკრეაციო ზონა. ეს იყო ძალიან სამარცხვინო პრეზენტაცია, სამარცხვინო სპექტაკლი.

თბილისელები დარწმუნდებიან, რომ ივანიშვილის მიერ დანიშნული მერი პასუხისმგებელია ივანიშვილთან და არა იმ ხალხის წინაშე, ვინც აირჩია.

ნარმანიას აქ მოსვლა იყო ივანიშვილის ბრძანება, რომელსაც ძალიან ადარდებს მისი სახელის ტალახში ამოსვრა”, - განაცხადა აბესაძემ.

შეგახსენებთ, დღეს თბილისის საკრებულოში ქალაქის მერს, დავით ნარმანიას უსმენდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება