2016-05-17 13:05:46, 539 ნახვა
საზოგადოება
ჩუღურეთის რაიონში 9 მისამართზე საყრდენი კედლის მშენებლობა დასრულდა
ჩუღურეთის რაიონში ინფრასტრუქტურული პროექტების განხორციელება გრძელდება.
თბილისის მერიის ინფორმაციით, ამ ეტაპზე 9 მისამართზე უკვე მოეწყო გრუნტის დამჭერი საყრდენი კედელი, მათ შორის, ჩეჩელაშვილის N1, ართვინის შესახვევში N6-სა და მნათობის N44 -ში. დასრულებულია, აგრეთვე, სარკინიგზო ხაზის ქვეშ არსებულ მეწყერსაშიშ ფერდობზე გრუნტის დამჭერი კედლის რეაბილიტაცია, ხოლო უახლოეს დღეებში გრუნტის დამჭერი კედლების მოწყობა დასრულდება მამარდაშვილის N21-ში, თეთნულდის N21-სა და დოქის ქუჩაზე.
აღნიშნული სამუშაოები ჩუღურეთის რაიონის გამგეობამ 467 000 ლარით დააფინანსა.
მთლიანობაში, 2016 წლის ბოლოსთვის, ჩუღურეთის რაიონში საყრდენი კედლის მოწყობა 25 მისამართზე დასრულდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
