2016-05-16 10:08:25, 1072 ნახვა
სამართალი
ე.წ. კაბელების საქმეზე დაკავებულებს 7-7 წლით პატიმრობა შეეფარდათ
ე.წ. კაბელების საქმეზე დაკავებულებს 7-7 წლით პატიმრობა მიესაჯათ. მოსამართლე ბესიკ ბუგიანიშვილმა განაჩენი ცოტა ხნის წინ გამოაცხადა.
განაჩენის გამოცხადებას ხმაური მოჰყვა, რის გამოც მოსამართლემ სხდომის დახურვის გადაწყვეტილება მიიღო.
დაკავებულები მათთვის წაყენებულ ბრალდებას უსაფუძვლოს უწოდებენ.
შეგახსენებთ, განსაკუთრებით დიდი ოდენობით საბიუჯეტო თანხების გაფლანგვის საქმეზე საქართველოს თავდაცვის სამინისტროს თანამდებობის პირები: ნუგზარ კაიშაური, გიზო ღლონტი, დავით წიფურია, გიორგი ლობჟანიძე, არჩილ ალავიძე 2014 წლის 28 ოქტომბერს დააკავეს. 2015 წლის 19 ივლისს კი, გირაოთი გააათავისუფლეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
