2016-05-05 19:02:33, 617 ნახვა

---

დანაშაულის პრევენციის ცენტრმა აღდგომის დღესასწაული ხანდაზმულთა პანსიონატის ბენეფიციარებს მიულოცა

საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ თანამშრომლები თბილისის ხანდაზმულთა პანსიონატს  ესტუმრნენ.

ცენტრის დირექტორმა ირაკლი ხელაძემ ხანდაზმულთა სახლში მცხოვრებ 68 მოხუცს იუსტიციის მინისტრის სახელით აღდგომის დღესასწაული მიულოცა და საჩუქრები გადასცა. ღონისძიებაში „დანაშაულის პრევენციის ცენტრის“ პროგრამა „ორი თაობის“ ახალგაზრდებიც მონაწილეობდნენ.

ცნობისთვის, თემქის ხანდაზმულთა პანსიონატის მცხოვრებლებისათვის სპეციალურ პროგრამას - „ორი თაობა“ – „დანაშაულის პრევენციის ცენტრი“  2014 წლიდან ახორციელებს. პროექტის ფარგლებში სკოლის მოსწავლეები ყოველდღიურად სტუმრობენ მზრუნველობამოკლებულ მოხუცებს, ეხმარებიან მათ სხვადასხვა საქმეებში, უკითხავენ ჟურნალ-გაზეთებს და წიგნებს, ეხმარებიან ეზოს კეთილმოწყობაში. პროგრამის მიზანი მოზარდებში უფროსი თაობის მიმართ მზრუნველობისა და პასუხისმგებლობის გრძნობის განვითარებაა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი