2016-04-30 14:11:06, 1134 ნახვა
მსოფლიო
გერმანიაში ულტრამემარჯვენეებსა და მემარცხენეებს შორის შეტაკება მოხდა
გერმანიის ქალაქ შტუტგარტში შეტაკება მოხდა, - ამის შესახებ BBC იუწყება.
მედიის ცნობით, ასობით მემარცხენე დემონსტრანტმა ულტრამემარჯვენე პარტიის შეხვედრის ბლოკირება სცადა.
პოლიციამ მათ შესაჩერებლად წიწაკის აეროზოლი გამოიყენა. არსანიშნავია, რომ ამ დროისთვის ადგილზე დაახლოებით 1000 სამართალდამცველია მობილიზებული.
ულტრამემარჯვენე პარტიის „ალტერნატივა გერმანიისთვის“ წევრებმა დღევანდელი შეხვედრისას ღიად განაცხადეს, რომ ისინი ანტიისლამური მოძრაობის წევრები არიან და რომ მათ გერმანიაში მუსლიმანური თავსაბურავის „ბურქას“ აკრძალვა სურთ.
სამართალდამცველები დაკავებულების ზუსტ რაოდენობას არ ასახელებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
