2016-04-30 08:46:21, 1165 ნახვა
მსოფლიო
ნორვეგიის სანაპიროზე მომხდარ ავიაკატასტროფას 13 ადამიანი ემსხვერპლა
ნორვეგიის სანაპიროზე მომხდარი ავიაკატასტროფის შედეგად, 13 ადამიანი გარდაიცვალა, - ამის შესახებ BBC იუწყება.
მედიის ინფორმაციით, ბორტზე მყოფი 11 ადამიანი ნორვეგიელი, ერთი ბრიტანელი, ხოლო ერთი იტალიის მოქალაქე იყო.
ავიაკატასტროფის დროს ბორტზე მყოფი ყველა მოქალაქე გარდაიცვალა. 11 ცხედარი ნაპოვნია, ხოლო ორს ამ დრომდე ეძებენ.
ვერტმფრენს ადამიანები სავარაუდოდ ნავთობის მომპოვებელ პლატფორმაზე გადაჰყავდა.
შეგახსენებთ, რომ ავიაკატასტროფა ნორვეგიის სიდიდით მეორე ქალაქ ბერგენის დასავლეთით გუშინ მოხდა. თვითმხილველების განცხადებით, ვერტმფრენი საკმაოდ დიდი ზომის იყო.
შემთხვევის ადგილზე სამძებრო-სამაშველო სამუშაოები ამ დრომდე მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
