დედა-შვილი კვეზერელების მკვლელობაში ბრალდებული გიორგი ყუფარაძე დაკავებულია. "ქრონიკის" ინფორმაციით, მას საბერძნეთში მიაგნეს, სადაც ამ დროისთვის კლინიკაში იმყოფება.

როგორც ცნობილია, ქართველმა სამართალდამცველებმა ბერძენ კოლეგებთან ითანამშრომლეს,  საქმეში ჩართული იყო ინტერპოლიც და ახლა მისი ექსტრადირების პროცედურები გვარდება.

გიორგი ყუფარაძე მიმალვაში იმყოფებოდა. მას დაუსწრებლად პატიმრობა შეეფარდა.

შეგახსენებთ, რამდენიმე დღის წინ, შსს-მ 2014 წელს მომხდარი განსაკუთრებით მძიმე დანაშაული გახსნა.

გამოძიების  ინფორმაციით, 2 პირმა კვეზერელების კუთვნილი თანხის დაუფლების მიზნით, 2014 წლის 17 დეკემბერს  კოჯორში, ერთ-ერთ აგარაკზე, მოტყუებით მიიყვანეს გურამ კვეზერელი და ცივი იარაღით მრავლობითი ჭრილობა მიაყენეს, რის შედეგადაც იგი შემთხვევის ადგილზე გარდაიცვალა. დანაშაულის დაფარვის მიზნით, დამნაშავეებმა გარდაცვლილის ცხედარი მოათავსეს კასრში, დაასხეს სპეციალური მჟავა და აგარაკის ეზოში ჩამარხეს.

იმავე დღეს, აღნიშნული პირები მივიდნენ თბილისის ზღვის დასახლებაში, გურამ კვეზერელის დედის, ნატო კვეზერელის სახლში. ნატო კვეზერელს ცივი იარაღით მრავლობითი ჭრილობა მიაყენეს, რის შედეგადაც იგი ადგილზე გარდაიცვალა.

"დამნაშავეებმა სახლიდან 12 000 აშშ დოლარი, გურამ კვეზერელის სახელზე გაფორმებული 2 ცეცხლსასროლი იარაღი, პორტატიული კომპიუტერი, პირადი ნივთები გაიტაცეს და შემთხვევის ადგილიდან მიიმალნენ",-აცხადებენ შსს-ში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის