2016-04-25 16:07:53, 899 ნახვა
სამართალი
„წითელ ხიდზე“ არადეკლარირებული ოქროს ნაკეთობების შემოტანის ფაქტი გამოვლინდა
23 აპრილს, საბაჟო გამშვები პუნქტის, „წითელი ხიდის“, მებაჟე ოფიცრებმა ოქროს შემოტანის წესის დარღვევის ფაქტი გამოავლინეს.
"აზერბაიჯანის მოქალაქე ს.ბ.-ის ხელბარგის ეჭვის საფუძველზე დათვალიერების შედეგად, მათ ძვირფასი თვლებით გაფორმებული 55,03 გრამი არადეკლარირებული ოქროს ნაკეთობები აღმოაჩინეს. საქონლის საბაჟო ღირებულებამ შეადგინა 3988,64 ლარი.
საქართველოს საგადასახადო კოდექსის 289-ე მუხლის მე-10 ნაწილის მიხედვით, პირს სანქციის სახით შეეფარდა ფულადი ჯარიმა 3988,64 ლარის ოდენობით",-ნათქვამია სსიპ შემოსავლების სამსახურის მიერ გავრცელებულ ინფორმაციაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
