თბილისის აეროპორტში უამინდობის გამო, 4 რეისი გადაიდო

2016-04-22 10:48:28, 557 ნახვა

საზოგადოება

ძლიერი ქარის გამო, თბილისის საერთაშორისო აეროპორტში 4 რეისი გადაიდო.

როგორც „ექსპრესნიუსს“ აეროპორტის პრესსამსახურში განუცხადეს, არ შესრულდა სტამბოლიდან თბილისისკენ მომავალი Turkish airlines-ის 3 რეისი, რაც თავად ავიაკომპანიის გადაწყვეტილება იყო, ერთი თვითმფრინავი კი, ძლიერი ქარის გამო აზერბაიჯანში, კერძოდ კი, განჯაში დაჯდა. ამ დროისთვის უცნობია, როდის შესრულდება გადადებული რეისები.

სტამბოლი-თბილისის რეისის გადადების გამო, შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი საქართველოში ვერ ჩამოვიდა. როგორც ზაქარეიშვილმა "რუსთავი2"-ს განუცხადა, რეისი თბილისში ძლიერი ქარის გამო ვერ შესრულდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან