რომის პაპმა ფრანცისკმა, რომელმაც ბერძნულ კუნძულ ლესბოსზე მდებარე მიგრანტების ბანაკი მოინახულა, ვატიკანში 12 არალეგალი მიგრანტი წაიყვანა.

ამის შესახებ იტალიური არხი Ria News 24 იუწყება.

რომის პაპი ლესბოსზე დღეს ჩავიდა. მას საბერძნეთის პრემიერ-მინისტრი ალექსის ციპრასი, კონსტანტინოპოლის პატრიარქი ბართლომე და ათენის არქიეპისკოპოსი დეფინი დახვდნენ.

პაპის თქმით, მისი ვიზიტის მიზანია დევნილებისთვის სოლიდარობის გამოხატვა და მადლობის თქმა ლესბოსისა და მთელი ბერძენი ხალხისთვის, რომლებიც მათ ასე ხელგაშლილი ხვდებიან.

პაპმა ასევე აღნიშნა, რომ ის, რაც ახლა ევროპაში ხდება, მეორე მსოფლიო ომის დამთავრებიდან ყველაზე მძიმე ჰუმანიტარული კატასტროფაა.

მიგრანტებთან მიმართვის პონტიფიკოსმა განაცხადა, რომ ისინი მარტონი არ არიან და იმედი არ უნდა დაკარგონ. ამასთან, ფარნცისკმა ყველა ევროპელს მიგრანტის შეფარება სთხოვა და ამის მაგალითი მათ თავად მისცა, როდესაც საკუთარ თვითმფრინავში მიგრანტების სამი ოჯახი აიყვანა, მათ შორის 6 ბავშვი და 6 ზრდასრული.

ამ დროისთვის ლესბოსზე მიგრანტების ბანაკში 3 ათასი ადამიანი იმყოფება, რომელთა უმრავლესობას უახლოეს მომავალაში თურქეთში დააბრუნებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა