ჯონ კერი რუსეთს ნადია სავჩენკოს დაუყოვნებლივი გათავისუფლებისკენ მოუწოდებს, - ამის შესახებ რუსული მედია წერს.

შეერთებული შტატების სახელმწიფო დეპარტამენტის ცნობით, სახელმწიფო მდივანი ჯონ კერი ამ თემაზე რუს კოლეგას ტელეფონით ესაუბრა.

აღსანიშნავია, რომ რუსეთის საგარეო საქმეთა სამინისტროს მიერ გავრცელებულ განცხადებაში კერი-ლავროვის საუბრის ამ ნაწილზე არაფერი წერია. განცხადებაში მთიანი ყარაბაღი, სირიისა და ასევე უკრაინის კონფლიქტია ნახსენები.

ჯონ კერიმ რუსეთისგან მინსკის შეთანხმების შესრულება და უკრაინელი ტყვეების გათავისუფლებაც მოითხოვა.

სერგეი ლავროვთან საუბრის დროს სახელმწიფო მდივანმა რამდენიმე დღის წინ ბალტიის ზღვაში რუსული ბომბდამშენების ამერიკულ სამხედრო ხომალდთან მიახლოვების გამო პროტესტიც გამოხატა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში თავდაცვის მინისტრ ფედოროვის გადადგომის გამო საპროტესტო აქციები მიმდინარეობს

ზელენსკიმ ახსნა, თუ რატომ გადაწყვიტა ფედოროვის შეცვლა: პრობლემები არსებობს და ერთიანობა არ არსებობს

მიხეილ სააკაშვილი: რიყის თეატრი თქვენი მემკვიდრეობაა, რომელსაც ახლა ხალხს ართმევენ

გეგელია: კრემლი ღიად აქებს „ოცნების“ მთავრობას მეასედ