საქართველოს მოსახლეობის 77% ევროკავშირში გაწევრიანების მომხრეა, 68% ნატოს წევრობას უჭერს მხარს

2016-04-11 11:06:01, 376 ნახვა

პოლიტიკა

საქართველოს მოსახლეობის 77%-ისთვის ქვეყნის ევროკავშირის წევრობა მისაღებია, - ამის შესახებ ნათქვამია ეროვნულ-დემოკრატიული ინსტიტუტის (NDI) სოციოლოგიურ კვლევაში.

კითხვაზე მისაღებია თუ არა საქართველოს მთავრობის გაცხადებული მიზანი საქართველო გახდეს ევროკავშირის წევრი 77% ფიქრობს, რომ მისაღებია, ხოლო 14%-ისთვის მიუღებელია.

რაც შეეხება იმავე კითხვას ნატოსთან მიმართებაში 68%-ისთვის ჩრდილო ატლანტიკურ ალიანსში გაწევრიანება მისაღებია, ხოლო 19%-ისთვის მიუღებელია.

კვლევის საველე სამუშაოები 23 თებერვალი-14 მარტის პერიოდში მიმდინარეობდა.

საქართველოს მასშტაბით, პირისპირ ინტერვიუს წარმომადგელობითი შერჩევის საფუძველზე, 3,900 პირი გამოიკითხა. NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან