სპეცოპერაციის შედეგად, რუსეთში კერძოდ კი ქალაქ პალასოვკაში, ტერორისტული აქტის დაგეგმვაში ეჭვმიტანილი 5 პირი დააკავეს, - ამის შესახებ "რია-ნოვოსტი" წერს.

როგორც მედია საშუალება იტყობინება, რუსეთის ძალოვანებმა ვოლგოგრადში სპეც-ოპერაცია ჩაატარეს, რის შედეგადაც დაჯგუფება "ჯამაათის" 5 წევრი დააკავეს. მედია საშუალების ინფორმაციით, ეს დაჯგუფება "ისლამურ სახელმწიფოსთანაა" კავშირში.

წინასწარი ინფორმაციით, "ჯამაათი" რუსეთში მოქალაქეებs იბირებს, რის შემდეგაც ეს მოქალაქეები სირიაში "ისლამურ სახელმწიფოში" წევრიანდებიან.

მედიის ინფორმაციით, დაჯგუფება პატარა ქალაქ პალასოვკაში მოქმედებდა. ცნობისთვის, ქალაქში 15 ათასი მოსახლე ცხოვრობს.

რუსეთის სამართალდამცველებმა 5 პირი დააკავეს. მათივე ცნობით, ერთ-ერთი ვოლგოგრადში ტერორისტული აქტის მოწყობას გეგმავდა. ჩხრეკისას დაკავებულებს საბრძოლო ტექნიკა, ასაფეთქებელი მოწყობილობები და რელიგიურ-ექსტრიმისტული შინაარსის ლიტერატურა.

აღნიშნულ ფაქტთან დაკავშირებით გამოძიება უკვე დაწყებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს