აზერბაიჯანის შეიარაღებულმა ძალებმა მთიანი ყარაბაღის ტერიტორიაზე რამდენიმე სოფელი გაათავისუფლეს, - ამის შესახებ აზერბაიჯანის თავდაცვის სამინისტროს განცხადებაშია აღნიშნული.

„მოწინააღმდეგე ჯარებისგან მთლიანად გათავისუფლდა სტრატეგიული სიმაღლეები სოფელ თალიშთან. ასევე, დასახლებული პუნქტი სეისუანი, საიდანაც მოწინააღმდეგის შეიარაღებული ძალები გერანგოვის რაიონს და ქალაქ ნაფტალანს საფრთხეს უქმნიდნენ. ქალაქ გორადიზის დასაცავად, აზერბაიჯანის არმიამ სტრატეგიულად მნიშვნელოვანი სიმაღლე - ლელე-თეფე დაიკავა, რაც საშუალებას გვაძლევს ფიზულის რაიონის დიდი ტერიტორია ვაკონტროლოთ. ამ მომენტში, ამ სიმაღლეებზე და თავდაცვის ახალ ხაზზე გამაგრებითი სამუშაოები მიმდინარეობს, ითხრება სანგრები. ადგილზე მობილიზებულია საინჟინრო ბრიგადები.

„ბრძოლისას 6 სომხური ტანკი, 15 საარტილერიო დანადგარი და ასი სამხედრო მოსამსახურე განადგურდა. აზერბაიჯანის შეიარაღებულმა ძალებმა 12 სამხედრო მოსამსახურე დაკარგა. სომხურ პოზიციებზე ავიაიერიშისას მტერმა აზერბაიჯანის სამხედრო საჰაერო ძალების 1 მი-24 ტიპის შვეულმფრენი ჩამოაგდო.

გარდა ამისა, ერთი აზერბაიჯანული ტანკი ნაღმზე აფეთქდა და მწყობრიდან გამოვიდა“, - ნათქვამია აზერბაიჯანის თავდაცვის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს