რუსეთში მურმანსკის ოლქის სასამართლომ უკრაინის მოქალაქე პენსიონეი ვასილი იოვდია "არმიის დისკრედიტაციის" მუხლით დააჯარიმა YouTube-ზე ე.წ უცხოელი აგენტების ვიდეოების დალაიქების გამო.

რადიო თავისუფლების რუსული ბიურო იუწყება, რომ ეს სავარაუდოდ პირველი ასეთი გადაწყვეტილებაა რუსეთში.

დოკუმენტის თანახმად, ჯარიმის საფუძველია, რომ - მოქალაქე ტელეფონიდან შედიოდა YouTube-ზე და ვიდეოების ქვეშ ტოვებდა - "რეაქციას, ლაიქების სახით". კონკრეტულად რომელ ვიდეოზეა საუბარი, არ არის დაზუსტებული, თუმცა აღნიშნულია, რომ ორი ვიდეოს ავტორი იყო - ე.წ. უცხოელი აგენტი.

მოსამართლის განჩინებიდან ირკვევა, რომ ვასილი იოვდის წინააღმდეგ საქმე აღიძრა ფედერალური უსაფრთხოების სამსახურის (ФСБ) სასაზღვრო სამმართველოს შემოწმების შემდეგ, სოფელ ალაკკურტიში. გადაწყვეტილებაში მოხსენებულია უკრაინის მოქალაქის ტელეფონის კვლევის ოქმი, რომლის შედეგადაც აღმოაჩინეს მისი YouTube ექაუნთი, სადაც კატეგორიაში - "მოწონებულია" - 139 ვიდეო იპოვეს.

სასამართლომ ვასილი იოვდიას 30 ათასი რუბლის ოდენობის ჯარიმა დააკისრა. ამასთან. YouTube-ზე ვიდეოებზე დადებული ლაიქები მხოლოდ ანგარიშის მფლობელისთვის არის ხილული და სხვა მომხმარებლები ვერ ხედავენ.

პროექტ Первый отдел-ის ადვოკატმა გამოცემა ვიორსტკასთან საუბარში თქვა, რომ მანამდე მსგავსი გადაწყვეტილების შესახებ არ სმენია - მისი თქმით, ამ საქმეში, განსხვავებით სხვა მსგავსი საქმეებისგან, სასამართლოს არ შეუფასებია, კონკრეტულად რაში გამოიხატა არმიის "დისკრედიტაცია". ნაცვლად ამისა, მოსამართლემ დაასკვნა, რომ თუ ვიდეო ე.წ. უცხოელმა აგენტმა გაავრცელა - ეს უკვე თავისთავად "დისკრედიტაციაა".

ავტორი: ექსპრესნიუსი,

სოციალური ქსელები

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა

საქართველოში ბავშვების საყოველთაო ნათლობა გაიმართა

სამველ კარაპეტიანი: უკან აღარ დავბრუნდები, სომხეთში 10 წელი ვიმუშავებ