2016 წლის საპარლამენტო არჩევნებში მონაწილეობის ფორმატზე „რესპუბლიკურ პარტიას“ გადაწყვეტილება მიღებული აქვს, - ამის შესახებ „ექსპრესნიუსს“ პარტიის თავმჯდომარემ ხათუნა სამნიძემ განუცხადა.

მისივე თქმით, პარტია განცხადებას რამდენიმე დღეში გამოაქვეყნებს. პოლიტიკოსი არ აკონკრეტებს გამორიცხავს თუ არა ეს კოალიცია „ქართული ოცნებიდან“ გამოსვლას. ამბობს, რომ განცხადების გავრცელების შემდეგ ყველა კითხვას უპასუხებენ. დღეის მდგომარეობით კი დღის წესრიგში მხოლოდ საპარლამენტო არჩევნები და არჩევნებზე „რესპუბლიკური პარტიის“ მონაწილეობის ფორმატი დგას.

„არა, კოალიციიდან გასვლაზე არ ვრცელდება ინფორმაცია. პარტიამ მიიღო გადაწყვეტილება იმის შესახებ თუ როგორ იასპარეზებს 2016 წლის საპარლამენტო არჩევნებზე  და ამის შესახებ საზოგადოებისთვის ცნობილი მალე გახდება. განცხადების გავრცელება დღეს არ იგეგმება, განცხადებას რამდენიმე დღეში გაგავრცელებთ“, - განაცხადა ხათუნა სამნიძემ.

კითხვაზე, ეს გამორიცხავს თუ არა იმას, რომ შესაძლოა პარტიამ კოალიცია დატოვოს აღნიშნავს, რომ ეს „ამ საკითხზე საუბარს გამორიცხავს“.

„ეს გამორიცხავს მაგ საკითხზე საუბარს. ეს ეხება პარტიის 2016 წლის საპარლამენტო არჩევნებში მონაწილეობის საკითხს. მხოლოდ ამაზეა საუბარი. ნებისმიერი სხვა თემა შეკითხვის საგანი მხოლოდ მას შემდეგ შეიძლება გახდეს, რაც გადაწყვეტილებას გამოვაცხადებთ. გადაწყვეტილებას რამდენიმე დღეში გაცნობებთ. რა კითხვებიც გაჩნდება იმაზე შემდეგ შეგვიძლია ვილაპარაკოთ. ახლა დღის წესრიგში დგას მხოლოდ საპარლამენტო არჩევნები. შემდეგ უკვე ყველა კითხვაზე გიპასუხებთ რაც საზოგადოებაში გაჩნდება“, - განუცხადა ხათუნა სამნიძემ „ექსპრესნიუსს“. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ ლაზარე გრიგორიადისი დააკავა

ჯაშუშობის ბრალდებით დაკავებულ ახალგორელ თამაზ გოლოევს ორთვიანი წინასწარი პატიმრობა შეეფარდა

ბოჭორიშვილი - გვექნება შესაძლებლობა, ჰერჩინსკი ვიხილოთ საგარეო საქმეთა სამინისტროში

პირადი ცხოვრების საიდუმლოს უკანონოდ შენახვისთვის და გავრცელებისთვის POG-მა 2 პირი დააკავა