აშშ-ის პრეზიდენტმა დონალდ ტრამპმა განაცხადა, რომ უკრაინაში ომის დასრულების მისი გეგმა „საბოლოო შეთავაზება“ არ არის, მაგრამ აშშ ვალდებულია მიაღწიოს საომარი მოქმედებების შეწყვეტას.

რეპორტიორის კითხვაზე, არის თუ არა 28-პუნქტიანი გეგმა, რომელიც უკრაინისგან ტერიტორიის დათმობას და სამხედროების შემცირებას, ასევე ნატოში არ გაწევრიანების ვალდებულებას, მისი „საბოლოო შეთავაზება უკრაინისთვის“, ტრამპმა უპასუხა: „არა“.

გეგმის დეტალების შესახებ დამატებითი ინფორმაციისთვის იხილეთ აქ.

„ჩვენ ვცდილობთ ამის დასრულებას. ასე თუ ისე, ჩვენ ეს უნდა დავასრულოთ“, - ციტირებს AFP ტრამპის სიტყვებს ჟურნალისტებთან საუბრისას.

ამერიკელმა ლიდერმა ასევე გაიმეორა, რომ ომი არ დაიწყებოდა, 2022 წელს რომ ყოფილიყო პრეზიდენტი.

CNN-ის რეპორტიორის კითხვაზე, თუ რა მოხდებოდა, თუ უკრაინის პრეზიდენტი ვოლოდიმირ ზელენსკი ხუთშაბათს დადგენილ ვადაში არ მიიღებდა გეგმას, ტრამპმა უპასუხა: „მაშინ მას შეუძლია ჯოჯოხეთურად გააგრძელოს ბრძოლა“.

ავტორი: ექსპრესნიუსი,

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე