2016-03-23 22:02:55, 1141 ნახვა
მსოფლიო
ერდოღანი: ტერორისტი, რომელიც ბრიუსელის ტერაქტებშია ეჭვმიტანილი, თურქეთმა 2015 წელს ბელგიაში დაარეპორტირა
ტერორისტი, რომელიც ბრიუსელის ტერაქტებშია ეჭვმიტანილი, თურქეთმა 2015 წელს ბელგიაში დაარეპორტირა - ამის შესახებ თურქეთის პრეზიდენტმა, რეჯეფ ტაიპ ერდოღანმა განაცხადა.
პრეზიდენტის თქმით, თურქეთმა ბელგია გააფრთხილა, რომ "ბოევიკი" ჯიჰადისტია, თუმცა მათი მხრიდან ამ გაფრთხილების იგნორირება მოხდა.
"ბრიუსელში ერთ-ერთი თავდამსხმელი 2015 წლის ივნისში, ქალაქ გაზიანტეპში დააკავეს და ბელგიაში მისი დეპორტაცია განხორციელდა. თურქეთის სპეცსამსახურებმა ბელგია გააფრთხილეს, რომ აღნიშნული პირი "ბოევიკი" - ჯიჰადისტია, მაგრამ მათი მხრიდან ამ გაფრთხილების იგნორირება მოხდა, ვინაიდან ვერ შეძლეს მისი კავშირების დადასტურება ტერორისტულ ორგანიზაციებთან." - განაცხადა ერდოღანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
