ქართული ოცნების ერთპარტიული პარლამენტის დეპუტატი გენო პეტრიაშვილი ამბობს, რომ ოცნების პრეზიდენტ მიხეილ ყაველაშვილს გაერო-ში "არაჩვეულებრივი" გამოსვლა ჰქონდა.

კითხვას, ახსენა თუ არა მიხეილ ყაველაშვილმა გაერო-ში გამოსვლის დროს რუსეთი, გენო პეტრიაშვილი კითხვითვე პასუხობს: "არსებითი მნიშვნელობა აქვს?".

"თქვენ არასწორად ამბობთ. ოკუპაციაზე ჰქონდა [საუბარი]. ვის აქვს ოკუპირებული ჩვენი ტერიტორიები? ძალიან კარგად თქვა, მთელი თავისი სიტყვა იყო არაჩვეულებრივი. არაჩვეულებრივი სიტყვა ჰქონდა ბატონ პრეზიდენტს და ყველა მტკივნეულ თემას შეეხო, რაც ძალიან მნიშვნელოვანი იყო ჩვენი ქვეყნისთვის და მომავლისთვის.

ის რომ რუსეთი ოკუპანტია და პირადად ჩემი სოფელი აქვს ოკუპირებული, ჩვენი ტერიტორიების 20%, ამას, რა ვიცი, ყველა აღიარებს და ყველა ამბობს. ძალიან კარგი გამოსვლა ჰქონდა და რაც ჩვენი ქვეყნისთვის მნიშვნელოვანი იყო... ამას არსებითი მნიშვნელობა აქვს? [ახსენა თუ არა რუსეთი?], ოკუპაციაზე ილაპარაკა, მშვიდობაზე ილაპარაკა, ძალიან მაგარი გამოსვლა ჰქონდა", - ამბობს პეტრიაშვილი.

ქართული ოცნების პრეზიდენტმა მიხეილ ყაველაშვილმა გაერო-ში სიტყვით გამოსვლისას ოკუპაციაზე ისაუბრა და თქვა: "მიუხედავად იმისა რომ საქართველოს ტერიტორიების 20% ოკუპაციის ქვეშ რჩება, ჩვენ დიდი ენერგიითა და შემართებით ვაგრძელებთ განვითარებასა და წინსვლას".

ამ კონტექსტში მას არ უხსენებია რუსეთი, ყურადღება გაამახვილა ტერიტორიულ მთლიანობაზე და მიმართა "საოკუპაციო ხაზის მეორე მხარეს მყოფ აფხაზ და ოს ძმებსა და დებს".

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს