TV პირველი POSTV-ის მიერ გავრცელებულ ცრუ ინფორმაციასთან დაკავშირებით საგანგებო განცხადებას ავრცელებს.

არხის განცხადებით, პროპაგანდისტული მედიის ცნობა, თითქოს, TV პირველის შენობაში "კოალიციას ცვლილებებისთვის“ ოთახი გადაეცა და ასევე "ოცნების" წარმომადგენლების შეფასებები "ჰგავს ნიადაგის მომზადებას", რისი მიზანიც არხის მაუწყებლობის შეწყვეტაა.

"ქართულ ოცნებასთან დაკავშირებულმა POSTV-მ დღეს, TV პირველის წინააღმდეგ ცრუ ინფორმაცია გაავრცელა. თითქოს ტელევიზიის ტერიტორიაზე, საიდუმლო შეხვედრებისთვის „კოალიციას ცვლილებებისთვის“ გადაეცა ოთახი, სადაც კანონსაწინააღმდეგო ქმედებები იგეგმება.

ტელევიზიის წინააღმდეგ დეზინფორმაციის გავრცელება და ქართული ოცნების პარლამენტის, თავდაცვისა და უსაფრთხოების კომიტეტის თავმჯდომარის პირველი მოადგილის შეფასებები, ჰგავს ნიადაგის მომზადებას, რათა "ქართულმა ოცნებამ განახორციელოს რიგი ქმედებები, მათ შორის ტელევიზიის ტერიტორიაზე შემოსვლა და არხის მაუწყებლობის შეწყვეტა.

TV პირველი არაერთხელ გამხდარა ქართული ოცნების სამიზნე, ბიძინა ივანიშვილის პარტიის ქმედებები და წნეხი ტელევიზიაზე მიმართული იყო, რათა არხს შეეწყვიტა მუშაობა.

დამოუკიდებელი მედიის წინააღმდეგ გადადგმული ნაბიჯების ფონზე, როდესაც არაერთი შემზღუდავი კანონის მიღებით ვერ მოახერხეს არხის მაუწყებლობის შეფერხება, ამ ახალ იერიშს განვიხილავთ ტელევიზიის წინააღმდეგ ქმედებად, რომლის მიზანია, არხის მაუწყებლობის გათიშვა", - აცხადებს TV პირველი.

ცნობისთვის, დღეს POSTV-მ გაავრცელა ინფორმაცია, რომლის მიხედვითაც არხი ირწმუნება, რომ TV პირველმა "კოალიცია ცვლილებებისთვის" გამოუყო ოთახი, რომელშიც კანონსაწინააღდმეგო ქმედებები იგეგმება. 

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს