აზერბაიჯანში სპეციალური საკარანტინო რეჟიმი გაგრძელდა — ამჯერად 2026 წლის 1 იანვრამდე. საინფორმაციო სააგენტო „ტრენდის“ ცნობით, შესაბამის ბრძანებულებას ხელი მოაწერა პრემიერ-მინისტრმა ალი ასადოვმა.

აზერბაიჯანის სახმელეთო საზღვრების გახსნა, რომელიც 2020 წლის გაზაფხულიდან იყო დაკეტილი, კვლავ გადაიდო. ბაქომ განაცხადა, რომ კორონავირუსის პანდემიის გამო დაწესებულ საკარანტინო რეჟიმს „იმდენ ხანს შეინარჩუნებდა, რამდენიც საჭირო იქნებოდა“. პრეზიდენტმა ილჰამ ალიევმა განაცხადა, რომ საზღვრის დახურვამ ქვეყანა „ძალიან დიდი კატასტროფებისგან“ იხსნა.

აზერბაიჯანში შესვლა ამჟამად მხოლოდ საჰაერო გზით არის შესაძლებელი. თუმცა, უცხოელებს და მოქალაქეობის არმქონე პირებს შეუძლიათ ქვეყნის დატოვება სახმელეთო გზით. საზღვარი ღიაა ტვირთების გადაზიდვისთვის.

ადრე გავრცელდა ინფორმაცია, რომ საქართველოსა და აზერბაიჯანს შორის სარკინიგზო მიმოსვლა შესაძლოა აღდგეს, მაგრამ ეს ინფორმაცია არ დადასტურებულა.

საქართველოში მცხოვრებმა ეთნიკურმა აზერბაიჯანელებმა არაერთხელ მოუწოდეს სახმელეთო საზღვრების გახსნას.

2023 წლის 5 მაისს, ჯანდაცვის მსოფლიო ორგანიზაციამ COVID-19 პანდემია გლობალური ჯანმრთელობის საგანგებო სიტუაციის დასასრულად გამოაცხადა.

ავტორი: ექსპრესნიუსი,

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება