საქსტატის წინასწარი შეფასებით, 2025 წლის II კვარტალში საქართველოში უმუშევრობის დონე წინა წლის შესაბამის პერიოდთან შედარებით 0.6 პროცენტული პუნქტით გაიზარდა და 14.3 პროცენტი შეადგინა. საქსტატის თანახმად, კაცებში უმუშევრობა უცვლელად 15.9%-ზე შენარჩუნდა, თუმცა ქალებში ის წინა წელს არსებული 10.9%-დან 12.2%-მდე გაიზარდა.

საქსტატის თანახმად, შემცირებულია ქალებში როგორც დაქირავებით დასაქმებულთა რაოდენობა, ასევე თვითდასაქმებულთა რაოდენობა. კერძოდ, თუკი 2024 წლის მეორე კვარტალში 486.6 ათასი ქალი იყო დაქირავებით დასაქმებული წელს ეს რიცხვი 7.6 ათასით არის შემცირებული 479 ათასამდე.

ხოლო თვითდასაქმებული ქალების რიცხვი 2024 წლის მეორე კვარტალში არსებული 139.8 ათასიდან წელს 13.1 ათასით შემცირდა და 126.7 ათასი შეადგინა.

შესაბამისად, მთლიანობაში ქალი დასაქმებულების რიცხვი წინა წელს არსებული 626.6 ათასიდან 20.9 ათასით 605.7 ათასამდე შემცირდა.

რაც შეეხება კაცებს, 2025 წლის მეორე კვარტალის მდგომარეობით დასაქმებულად ითვლება 760.6 ათასი კაცი, რაც წინა წლის ანალოგიურ პერიოდთან შედარებით 0.6 ათასით მეტია, მათ შორის დაქირავებულთა რიცხვი წლიურად 12.4 ათასით არის შემცირებული 461.5 ათასამდე, ხოლო თვითდასაქმებულთა რაოდენობა 16.2 ათასით გაიზარდა 295.5 ათასამდე.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი