2024 წლის გეოლოგიური ბიულეტენის თანახმად, გეოლოგიური სტიქიური პროცესები გურიის რეგიონისთვის სერიოზულ გამოწვევად რჩება.

დოკუმენტი შედგენილია 2024 წელს და შეიცავს 2025 წლის პროგნოზებს, ამიტომ უნდა აღინიშნოს, რომ ის არ ასახავს 2025 წლის თებერვალში დასავლეთ საქართველოში მომხდარ სტიქიურ უბედურებას, რომელმაც განსაკუთრებით გურიის რეგიონი დააზარალა.

ბიულეტენის თანახმად, მეწყერის საფრთხის ზონაში ათობით ფერდობი, დასახლება და სოფელი ხვდება, მათ შორის აქტიური. სტიქიური უბედურებები დამახასიათებელია რეგიონის სამივე მუნიციპალიტეტისთვის: ოზურგეთი, ლანჩხუთი და ჩოხატაური.

მაღალი რისკის ზონების რაოდენობით ლიდერი ჩოხატაურის მუნიციპალიტეტი იყო, სადაც ასეთი 7 ზონა გამოვლინდა. ოზურგეთსა და ლანჩხუთს 6-6 ზონა აქვთ.

მაღალი რისკის მქონე ტერიტორიები (2024 წლის მდგომარეობით)

ოზურგეთის მუნიციპალიტეტი:
• ბახვი
• ქვემო ბახვი
• დვაბზუ
• გურიანთის ფერდობები
• სუფსა / შრომა

ლანჩხუთის მუნიციპალიტეტი:
• ჩოლობარგი
• მაჩხვარეთი
• საირმის ქედი
• გრიგოლეთი
• ჯურუკვეთი
• ზემო აკეთი

ჩოხატაურის მუნიციპალიტეტი:
• ბახმარო
• ზემო ამაღლები
• შუამაგლები
• ზოტის ფერდობები
• ქვემო ნასაკირალი
• ხიდისთავი
• კოხნარი / ბაბანი

საშუალო რისკის ზონები

ოზურგეთის მუნიციპალიტეტი:
• სუფსის შემოგარენი – ფერდობები დინამიურია, თუმცა ამ ეტაპზე მეწყრული პროცესები შედარებით სტაბილურია. რეკომენდებულია რეგულარული მონიტორინგი.

ლანჩხუთის მუნიციპალიტეტი:
• გრიგოლეთი – სანაპირო ზოლთან ახლოს შეინიშნება ეროზიული პროცესები და ქვიშის გადაადგილება, რამაც გრძელვადიან პერსპექტივაში შესაძლოა საფრთხე შეუქმნას საცხოვრებელ უბნებს.
• მიმდებარე სოფლების ფერდობები - ზოგიერთ ადგილას მიკრო-მოცურების ნიშნები დაფიქსირდა, თუმცა რისკის დონე დაბალი რჩება.

ჩოხატაურის მუნიციპალიტეტი:
• ზოტის ფერდობები სტრუქტურულად რთული ადგილებია, სადაც ქანების ძვრები და დარღვევები პერიოდულად ხდება.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს