პროკურატურის ინფორმაციით, ბათუმის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ადამიანით ვაჭრობისთვის ბრალდებული, უზბეკეთის რესპუბლიკის მოქალაქე დილრაბო ასლანოვა დამნაშავედ სცნო.

დანაშაული გათვალისწინებულია სისხლის სამართლის კოდექსის 1431 მუხლის მე-3 ნაწილის „გ" ქვეპუნქტით.

„სასამართლოში ბრალდების მხარის მიერ წარდგენილი მტკიცებულებების გამოკვლევის შედეგად უტყუარად დადასტურდა, რომ დილრაბო ასლანოვამ 2013 წლის აგვისტოში, უზბეკეთიდან საქართველოში, მოტყუებით, თითქოსდა  დასაქმების პირობით უზბეკეთის რესპუბლიკის მოქალაქე მ.ტ. ჩამოიყვანა. ბრალდებული მ.ტ-ს პირდებოდა, რომ ქალაქ ბათუმში  ერთ-ერთ სამედიცინო ცენტრში მედდად დაასაქმებდა, სადაც ხელფასის სახით  500 აშშ დოლარს გადაუხდიდნენ. საქართველოში ჩამოსვლის შემდეგ დილრაბო ასლანოვამ   მ.ტ-ს ჩამოართვა უზბეკეთის მოქალაქის პასპორტი, შეუზღუდა თავისუფლად გადაადგილების უფლება, ჩააყენა მონობის თანამედროვე პირობებში, ფიზიკური ანგარიშსწორების მუქარით, ძალადობით, შანტაჟითა და იძულებით მოახდინა მისი გადაბირება და  განახორციელა მისი პროსტიტუციაში ჩაბმა და სექსუალური მომსახურების იძულებით გაწევა 2013 წლის აგვისტოდან - ნოემბრამდე.

დილრაბო ასლანოვა ბრალდებულის სახით  2015 წლის 29 ივნისს იქნა დაკავებული. მოსამართლემ მას ჩადენილი დანაშაულისთვის სასჯელის სახედ  და ზომად 12 წლით თავისუფლების აღკვეთა განუსაზღვრა”, - ნათქვამია პროკურატურის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა