სომხეთში შირაკის ეპარქიის მთავარეპისკოპოსი მიქაელ აჯაფახიანი დააკავეს, - ამის შესახებ ინფორმაციას სომხური მედია ავრცელებს.

ადგილობრივი მედიის ცნობით, სომხეთის შირაკის ეპარქიის წინამძღოლი, მთავარეპისკოპოსი მიქაელ აჯაფახიანი გუშინ საღამოს ორი თვით დააკავეს.

ადვოკატების განცხადებით, მთავარეპისკოპოსი მიქაელ აჯაფახიანი სასჯელაღსრულების დაწესებულებაში გადაიყვანეს.

შეგახსენებთ, მიქაელ აჯაფახიანის წინააღმდეგ სისხლის სამართლის საქმე სომხეთის სისხლის სამართლის კოდექსის 422-ე მუხლის მე-2 ნაწილით აღიძრა, რომელიც მასმედიისა და საინფორმაციო-საკომუნიკაციო ტექნოლოგიების გამოყენებით ხელისუფლების ხელში ჩაგდებისა და კონსტიტუციური წესრიგის ძალადობრივი დამხობის საჯაროდ მოწოდებას ეხება.

მთავარეპისკოპოსი მის წინააღმდეგ წაყენებულ ბრალდებებს არ აღიარებს.

27 ივნისს, სომხეთის ეროვნული უსაფრთხოების სამსახურის თანამშრომლებმა ეჩმიაძინში, მთავარ საკათედრო ტაძართან მთავარეპისკოპოსი მიქაელ აჯაფახიანის დაკავება სცადეს. თუმცა, სასულიერო პირებმა და მრევლმა უსაფრთხოების ძალებს წინააღმდეგობა გაუწიეს და მთავარეპისკოპოსის დაკავების უფლება არ მისცეს.

ავტორი: ექსპრესნიუსი,

სოციალური ქსელები

კალაძე საკადრო ცვლილებებზე: დღეს შეიძლება იყო ერთ თანამდებობაზე, ხვალ მეორეზე

საქსტატი: 2024 წლის 14 ნოემბრის მდგომარეობით, საქართველოს მოსახლეობა 3 929 581-ია

Reuters - უკრაინა დრუჟბას ნავთობსადენის მეშვეობით ნავთობის მიწოდებას ოთხშაბათს აღადგენს

ჯო უილსონი: პუტინი ჩინეთის კომუნისტური პარტიის მიერ კონტროლირებად ანაკლიის პორტს იყენებს