საქართველოს მოქმედი დიპლომატები განცხადებას ავრცელებენ.

განცხადებაში აღინიშნება, რომ საგარეო საქმეთა სამინისტროში მიმდინარე რეორგანიზაციის პროცესში გათვალისწინებული ცვლილებები მიმართულია 28 ნოემბრის განცხადებაზე ხელმომწერი დიპლომატების წინააღმდეგ და მიზნად ისახავს ქვეყნის ევროპულ და ევრო-ატლანტიკურ სტრუქტურებში გაწევრიანების პროცესის საბოლოო შეჩერებას.

2025 წლის 29 აპრილს, საქართველოს საგარეო საქმეთა სამინისტროში დაიწყო რეორგანიზაციის პროცესი. მოწოდებული ინფორმაციის თანახმად, დაგეგმილი სტრუქტურული ცვლილებები გულისხმობს სამინისტროს ცენტრალური აპარატისა და საზღვარგარეთ დიპლომატიური წარმომადგენლობების „ძირეულ რეფორმას“.

მიგვაჩნია, რომ რეორგანიზაციის პროცესში გათვალისწინებული ცვლილებები - ევროკავშირსა და ნატო-ში ინტეგრაციისა და სხვა სტრატეგიული მიმართულებების დაკნინება, ნატო-სა და ევროკავშირის შესახებ საინფორმაციო ცენტრის გაუქმება და საზღვარგარეთ დიპლომატიური წარმომადგენლობებიდან თანამშრომლების დროზე ადრე გამოწვევა - მიმართულია 28 ნოემბრის განცხადებაზე ხელმომწერი დიპლომატების წინააღმდეგ და მიზნად ისახავს ქვეყნის ევროპულ და ევრო-ატლანტიკურ სტრუქტურებში გაწევრიანების პროცესის საბოლოო შეჩერებას.

ცივი ომის დასრულების შემდეგ, აღმოსავლეთ ევროპის ქვეყნების ისტორიული გამოცდილება გვიჩვენებს, რომ საქართველოს გეოგრაფიული მდებარეობისა და მოცემულობის სახელმწიფოსთვის ევროკავშირსა და ნატო-ში გაწევრიანება ეროვნული უსაფრთხოების განმტკიცების, მშვიდობისა და კეთილდღეობის ერთადერთი გარანტიაა. საერთაშორისო და რეგიონული უსაფრთხოების გარემოში მიმდინარე ცვლილებებით გამოწვეული შესაძლებლობების ფანჯარა უნიკალური შანსია ჩვენი ქვეყნისთვის ევროპული და ევრო-ატლანტიკური ინტეგრაციის გზაზე ხელშესახები შედეგების მისაღწევად. შექმნილ ვითარებაში, საქართველოს დაშორება დასავლური ინსტიტუტებიდან ქვეყანას ხდის სრულიად დაუცველს არსებული და შესაძლო უსაფრთხოების გამოწვევების მიმართ. ამასთან, ასეთი მიდგომა პირდაპირ წინააღმდეგობაში მოდის საქართველოს ეროვნულ ინტერესებთან და კონსტიტუციის 78-ე მუხლის მოთხოვნებთან.

ჩვენ, ქართველი დიპლომატები, ერთგულნი ვრჩებით საქართველოს კონსტიტუციის, ეროვნული ინტერესებისა და ამ ქვეყნის ევროპული და ევრო-ატლანტიკური მომავლისადმი!“, - აღნიშნულია განცხადებაში.

ამასთან, აღინიშნება, რომ განცხადება არის ღია და მას შეუძლია შეუერთდეს ნებისმიერი მოქმედი დიპლომატი.

განცხადებას ხელს აწერენ:

აქუბარდია სალომე - ევროინტეგრაციის გენერალური დირექტორატი;

ბაზერაშვილი დავით - ევროინტეგრაციის გენერალური დირექტორატი;

ბენია მეგი - უსაფრთხოების პოლიტიკისა და ევრო-ატლანტიკური ინტეგრაციის გენერალური დირექტორატი;

ბუჯიაშვილი დავით - ევროინტეგრაციის გენერალური დირექტორატი;

გვარამია ვაჟა - საქართველოს საელჩო მოლდოვის რესპუბლიკაში;

ვაჭარაძე მარიკა - საინფორმაციო ცენტრი ნატოსა და ევროკავშირის შესახებ;

თავართქილაძე გიორგი - საერთაშორისო სამართლებრივი დეპარტამენტი;

იანტბელიძე ერეკლე - ევროინტეგრაციის გენერალური დირექტორატი;

კაკულია თამარ - საქართველოს საელჩო გერმანიის ფედერაციულ რესპუბლიკაში;

მესხი ბონდო - ევროინტეგრაციის გენერალური დირექტორატი;

პაპავა ირაკლი - საინფორმაციო ცენტრი ნატოსა და ევროკავშირის შესახებ;

სპირანდი ოლღა - ევროატლანტიკური ინტეგრაციის დეპარტამენტი;

ჟღენტი ქრისტინე - ევროინტეგრაციის გენერალური დირექტორატი;

ფიფია ნინო - საქართველოს საელჩო არგენტინის რესპუბლიკაში;

ფრუიძე ქეთევან - საერთაშორისო სამართლებრივი დეპარტამენტი;

ყამარაული ნინო - ევროინტეგრაციის გენერალური დირექტორატი;

შაიშმელაშვილი ანა - ევროინტეგრაციის გენერალური დირექტორატი;

წიქარიშვილი გიორგი - ევროატლანტიკური ინტეგრაციის დეპარტამენტი;

ცანავა ანა - საინფორმაციო ცენტრი ნატოსა და ევროკავშირის შესახებ;

ჯალაღონია ლანა - ევროინტეგრაციის გენერალური დირექტორატი;

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა